Liber Paralipomenon Secundus*
Caput 8: Versus 10
Ducenti.Centenarius, qui in computu digitorum, de laeva transit in dexteram, vitam significat aeternam. Quinquagenarius vero, peccatorum remissionem, et aeternam requiem, et gratiam sancti Spiritus significat: quia in psalmo ejusdem numeri poenitentia, confessio, et remissio peccatorum describitur; et per jubilaeum requies futura. Per pentecosten vero in adventu Spiritus sancti septiformis gratia expressa.Qui erudiebant.Quia ex utroque populo elegit Ecclesiae rectores, qui spirituali gratia illuminati, et plene edocti, remissionem peccatorum, vitamque aeternae salutis, et beatitudinem perpetuam appetendam, suo docerent exemplo.